මේ කථාව මතක් වුනේ ඕනමැන්ටල්ගේ බ්ලොග් ඒකේ තිබ්බ පරණ කථාවක් දැකලයි. මේකෙත් ප්‍රධාන චරිතය "රාජා". හහ්... ඇයි සෙනවියා... ඌත් ඉන්නවා.. මාත් ටිකක් ඈතින් හිටියා.
ඔය ඉස්කෝලේ යන කාලේ තියෙනවානේ එක එක පිස්සු.. යාළුවෙක්ගෙ ගෙදරට සෙට් වෙලා කල්ලි ගැහිලා පාඩම් කරනවා වගේ වැඩ... ගෙවල් වලිනුත් මේකට මනාපැයි.. ඇයි ඉතින් එහෙම හරි ටිකක් පාඩම් කරයි කියලා නොවැ හිතන්නේ (ඇත්තට ඉතින් කොරන්නෙ නැත්තෙත් පාඩම් කරන එක විතරමයි.. අනිත් හැම විජාතික කුමන්ත්‍රණේම කරනවානේ)
ඔන්න ඔහොම සෙට් වෙන වෙලාවට අනම් මනං පිස්සු කෙලලා කෙලලා ඇති වුනාම කරන වැඩක් තමයි නම්බරේ දන්න අදුනන, නාදුනන නම්බරේ දන්න අයට කෝල් කරලා බයිට් කරන එක. දන්නවනේ ඉතිං ඔය වගේ කොල් දීලා අහන ඒවා.. අපි ** එෆ්.එම්. මෙන්න දවසේ ප්‍රශ්නය #$%#^@, නැත්තං දෙවානම් පියතිස්සගේ මුවා සෙවීම... සමහරු ජල සම්පාදන මණ්ඩලෙන් කථා කරලා වතුර තියෙනවාද අහලා හෙනං හෝදා ගන්ටත් කියනාවාළු...
ඉතිං මෙන්න මේ වගේ බයිටක් දෙමු කියලා අපි තුන්දෙනා සෙට් වෙලා කාටද බයිට් කරන්නේ කියලා හිත හිත ඉන්න වෙලාවේ, සෙනෙවිය ටක් ගාලා නොම්මරයක් ඔබලා "රාජා" ට දුන්නා නේ...
# මචං මෙන්න මේකට හොඳ බයිටක් දෙමු... හොඳට බයිට් කරන්ඩ පුළුවන්
# හරි මචං මං කථා කරන්නම් (රාජාත් ඉතින් පැනලා හා)
# ෂු ෂූ... රින්ග්සි යනවා උඹලා කට වහගංලා (ආයෙත් රාජා)
# ......... (එහා පැත්තෙන් අනිවා හෙලො කියන්ටැති) // අපිට ඇහෙන්නෑනේ
# හලෝ හලෝ හලෝ (රාජා පිස්සුවෙන් වගේ එක දිගට හලෝ කියනවා) // ඌ එහෙමද කොහෙදො බයිට් කරන්නේ
## ................. (එහා පැත්තෙන් මොනවාද කිව්වා, රාජාගේ මූන ෆුල් පැලැට් උනා)
සද්ධ බද්ද නැතිව රීසීවර් එක තියලා හැරුකා සෙනෙවියා දෙසට...
අඩෝ කැ... වේ... පුතෝ තෝ අපේ ගෙදර නම් බර් එක නේද බල්ලෝ ඩයල් කලේ...
(සෙනෙවියටයි මටයි බඩ අල්ලං හිනා... )
කෝල් එක අරන් තියෙන්නේ උංගේ අම්මා.. කටහඩින් රාජාව අඳුනගෙන
## පුතා රාජා උඹට පිස්සු හැදීගෙන එනවාද ? කියලා තමයි අම්ම අහලා තියෙන්නේ
ෆොටෝ එක ඉස්සුවේ (http://youknowwhereyouare.com/wp-content/uploads/2010/02/prank-call.jpg)
